香港迪士尼樂園 首次舉行「奇妙無分界慶典」提倡多元共融平等

為慶祝「國際復康日」29 週年，香港迪士尼樂園度假區 喺今日（2021年12月5日）舉行「#奇妙無分界慶典」，宣揚多元共融、人人平等嘅訊息。約200名社區夥伴及嘉賓出席今日嘅慶典。 

香港迪士尼樂園度假區營運高級副總裁 施保添（Tim Sypko）、旅遊事務助理專員 黎旨軒，以及香港復康聯會主席 張偉良，喺「奇妙夢想城堡」前慶祝「奇妙無分界慶典」。

香港迪士尼樂園度假區營運高級副總裁 施保添 在典禮上致辭:「迪士尼為賓客提供各式各樣娛樂和包羅萬有的商品及服務,香港迪士尼的『奇妙夢想城堡』就是其中一個例子,代表著我們持續推動多元共融,包括建立包容各種才能的文化,以及宣揚樂園的無障礙設施。」

緊隨慶典，集結各個社區夥伴、唔同才能嘅表演者及舞蹈團體，連同香港迪士尼演藝人員及義工隊、米奇、米妮、唐老鴨、高飛 同埋 布魯托，一齊喺「美國小鎮大街」上首度呈獻「奇妙無分界巡遊」同埋 傷健共融舞蹈表演，同樂園賓客分享奇妙回憶。